Zbrazëtia

Erich Fried

Sa zbrazët është, atje ku diç ish

Ku çka ish?

Diç, çka aty më nuk është

Dhe nuk është më aty?

Pse jo?

Dhe vërtet jo?

Nuk mund të jetë sërish aty?

Nuk guxon të jetë sërish aty?

Sa e madhe duhet të ketë qenë,

Çka aty ish

gjithqë tani,

kur mbase aty më nuk është

apo mbase aty më nuk do të jetë,

kaq zbrazët është, sa zbrazëtia në zbrazëti shndërrohet,

ose rrënohet

ose qetësohet.

Nuk do të duhej që qetësia në fakt ndryshe të qe

nga diç, çka e zbrazët është

dhe megjithëqë e ftohtë është,

edhe pse zbrazëtia më e ftohtë nuk mund të jetë,

nga diç, çka e zbrazët është

dhe megjithëqë djeg,

edhe pse zbrazëtia dot nuk mund të djegë

sa diç, çka e zbrazët është

dhe megjithëqë grykën të zë
edhe pse zbrazëtia grykën dot nuk mund ta zërë.

Ç’është pra?